Túfa hreppir annan Íslending

Rúnar er 22 ára og lék sinn annan A-landsleik gegn Sádi-Arabíu á dögunum.

Hann verður annar Íslendingurinn í leikmannahópi Öster því þar er fyrir Alex Þór Hauksson sem er með samning sem gildir til eins árs í viðbót.

Öster leikur undir stjórn þjálfarans Srdjan Tufegdzic, eða Túfa, sem um árabil þjálfaði KA og svo einnig Grindavík og loks Val, þar sem hann var aðstoðarþjálfari.

Túfa tók við Öster fyrir ári síðan og var nálægt því að koma liðinu upp í sænsku úrvalsdeildina í fyrstu tilraun. Liðið varð í 3. sæti næstefstu deildar og fór í umspil gegn Varberg sem varð í þriðja neðsta sæti úrvalsdeildarinnar. Því umspili lauk á sunnudaginn og vann Varberg einvígið samtals 4-2.