Bein út­sending: Mat­væla­þing 2022

Á þinginu mun matvælaráðherra kynna drög að nýrri matvælastefnu ráðuneytisins. Þinginu er ætlað að vera vettvangur samræðu og rýni hagaðila um stefnuna og er stefnt undir eitt þak þeim fjölmörgu og ólíku starfsgreinum sem koma að framleiðslu, vinnslu og dreifingu matvæla á Íslandi.

Hægt er að fylgjast með þinginu í spilaranum að neðan.

Í tilkynningu frá matvælaráðunetinu kemur fram að auk erindis matvælaráðherra munu þau Olga Trofimtseva fyrrum landbúnaðaráðherra Úkraínu og Pete Ritchie framkvæmdastjóri samtakanna Nourish Scotland flytja erindi.

„Olga Trofimtseva er úkraínsk stjórnmálakona, stjórnandi og doktor í landbúnaðarvísindum.

Hún hefur yfirgripsmikla reynslu af stjórnun landbúnaðarmála í heimalandi sínu og á alþjóðlegum vettvangi. Stríðið í Úkraínu hefur gjörbreytt heimsmyndinni, og hafa íbúar landsins og stjórnkerfi þurft að takast á við nýjan veruleika hvað varðar fæðuöryggi og aðfangakeðjur.

Markmið samtakanna Nourish Scotland sem Pete Ritchie stýrir er að tryggja aðgang allra að næringarríkum mat á viðráðanlegu verði. Einnig að framleiðsla og dreifing matvæla sé unnin af umhyggju fyrir jarðvegi, loftslagi og lífríkinu og matvælaframleiðendur, dreifingaraðilar og neytendur deili yfirráðum yfir matvælakerfinu. Samtökin leggja og áherslu á að Skotar rækti meira af því sem þeir borða, og borði meira af því sem þeir rækta.

Á þinginu verða fjölbreyttar pallborðsumræður þar sem m.a. Katrín Jakobsdóttir forsætisráðherra, Ásgeir Jónsson seðlabankastjóri, Halla Logadóttir orkumálastjóri og Þórólfur Guðnason fyrrum sóttvarnalæknir munu taka þátt. Stjórnandi ráðstefnunnar er Brynja Þorgeirsdóttir.

Að matvælaþingi loknu mun ráðuneytið vinna úr þeirri umræðu sem á sér stað á þinginu áður en matvælastefnan verður sett í samráðsgátt stjórnvalda. Í kjölfarið verður unnin þingsályktunartillaga um matvælastefnu sem verður lögð fyrir Alþingi.“

Dagskrá þingsins:

• 09:15 - 09:20 Brynja Þorgeirsdóttir, fundarstjóri, setur Matvælaþing.
• 09:20 - 09:45 Svandís Svavarsdóttir, matvælaráðherra, kynnir drög að matvælastefnu fyrir Ísland
• 09:45 - 10:15 Pete Ritchie kynnir matvælastefnu Skotlands, Nourish Scotland
• 10:15 - 10:40 Mettir magar og heilbrigð jörð - sjálfbær matvælaframleiðsla. Pallborðsgestir: Halla Hrund Logadóttir, orkumálastjóri, Þorgerður María Þorbjarnardóttir, fyrrverandi forseti Ungra umhverfissinna, Stefán Gíslason, stofnandi og eigandi Environice, Hafdís Hanna Ægisdóttir, forstöðukona Stofnunar Sæmundar fróða um sjálfbæra þróun.
• 10:40 - 10:50 Bergur Ebbi - Matvæli og sjálfsmynd
• 10:50 - 11:05 Kaffihlé
• 11:05 - 11:30 Nóg til og meira frammi – fæðuöryggi. Pallborðsgestir: Jóhannes Sveinbjörnsson, dósent hjá Landbúnaðarháskóla Íslands, Sigríður Hagalín Björnsdóttir, rithöfundur, Þórunn J. Hafstein, ritari Þjóðaröryggisráðs, Ari Fenger, forstjóri 1912 og formaður Viðskiptaráðs Íslands
• 11:30 - 11:55
• Afgangar í forgang - fullnýting afurða. Pallborðsgestir: Guðmundur Kristjánsson, forstjóri Brims, Oddur Már Gunnarsson, forstjóri MATÍS, Solla Eiríks, matarhönnuður, Rúnar Þór Þórarinsson, yfirmaður sjálfbærni og þróunarmála hjá Landeldi
• 11:55 - 13:00 Hádegisverður
• 13:00 - 13:35 Berum björg í þjóðarbú – samfélag. Pallborðsgestir: Stefán Jón Hafstein, fyrrum sendiherra Íslands hjá FAO, höfundur bókarinnar Heimurinn eins og hann er. Ásgeir Jónsson, seðlabankastjóri, Hrund Gunnsteinsdóttir, framkvæmdastjóri Festu - miðstöð um sjálfbærni, Jóna Árný Þórðardóttir, framkvæmdastjóri Austurbrúar
• 13:35 - 13:45 Bergur Ebbi - Matvælaframleiðsla framtíðar
• 13:45 - 14:10 Höldum maðkinum úr mysunni – matvælaöryggi. Pallborðsgestir: Þórólfur Guðnason, fyrrverandi sóttvarnalæknir, Hrönn Ólína Jörundsdóttir, forstjóri MAST, Jónas Jónasson, forstjóri Benchmark Genetics, Herdís Magna Gunnarsdóttir, formaður nautgripabænda og varaformaður bændasamtakanna.
• 14:10 - 14:40 Olga Trofimtseva, fyrrum landbúnaðarráðherra Úkraínu
• 14:40 - 15:05 Grunnþarfir og sérþarfir – neytendur. Pallborðsgestir: Andri Guðmundsson, forstjóri Vaxa, Björn Lárus Örvar, vísindastjóri Orf, Eygló Björk Ólafsdóttir, formaður Vor, félags framleiðenda í lífrænum búskap, Finnur Oddsson, forstjóri Haga.
• 15:05 - 15:30 Hvað verður í matinn á morgun? - Horft til framtíðar. Pallborðsgestir: Þorsteinn Sigurðsson, forstjóri Hafrannsóknastofnunar, Margrét Jónsdóttir Narðvík, rektor Háskólans á Bifröst, Ólafur Ögmundarson, lektor við Matvæla og næringarfræðideild HÍ, Sigrún Perla Gísladóttir, frá ungum umhverfissinnum
• 15:30 - 15:45 Samantekt Svandísar Svavarsdóttur matvælaráðherra