Snjó­koma væntan­leg í nótt og á morgun

Í tilkynningu frá Einari Sveinbjörnsson, veðurfræðingi kemur fram að nú sé lægð að myndast vestan við land og reiknað með ofankomu og fjúki á Snæfellsnesi. Líklegt sé að ófærð myndist á svæðinu í nótt og í fyrramálið.

Einnig er búist við snjó suðvestanlands í nótt og í fyrramálið, þó minna en á Snæfellsnesi.

Veðurhorfur næstu daga

Á laugardag: Austan og suðaustan 10-18 m/s og víða snjókoma, en úrkomulítið um kvöldið. Hægari vindur á Norðaustur- og Austurlandi og dálítil él við ströndina. Frost 2 til 15 stig, kaldast norðaustantil.

Á sunnudag: Norðaustan 8-15 og dálítil él, en þurrt sunnan- og suðvestanlands. Áfram kalt í veðri.

Á mánudag og þriðjudag: Allhvöss eða hvöss norðaustanátt og él um landið norðan- og austanvert. Frost 2 til 10 stig.

Á miðvikudag (vetrarsólstöður) og fimmtudag: Norðlæg átt og dálítil él, en þurrt sunnan heiða. Talsvert frost.

Nánari upplýsingar um veður næstu daga má sjá á vef Veðurstofunnar.