All­mikil lægð þokast með­fram landinu

Allmikil lægð er skammt suður af landinu og þokast hún austur með suðurströndinni. Lægðin verður komin austur af landinu í kvöld og dregur þá víða úr vindi og úrkomu. 

Á morgun er útlit fyrir hæga suðlæga eða breytilega átt og skúrir á víð og dreif. Ný lægð nálgast landið á sunnudag og verður því rigning sunnantil um kvöldið.

Veðurhorfur á landinu næstu daga

Á laugardag:

Suðlæg eða breytileg átt, 3-8 m/s og sums staðar dálítil væta, en þurrt að mestu austanlands. Hiti 3 til 10 stig.

Á sunnudag:

Vaxandi austan- og suðaustanátt með rigningu, 13-20 m/s síðdegis, hvassast við suðvesturströndina, en lengst af úrkomulítið á Norðurlandi. Hiti 5 til 10 stig.

Á mánudag:

Stíf sunnan- og suðaustanátt og rigning, en styttir upp á Norður- og Austurlandi seinnipartinn. Hiti 4 til 11 stig.

Á þriðjudag:

Útlit fyrir suðlæga átt með skúrum eða jafnvel slydduéljum, einkum sunnan- og vestantil, og heldur kólnandi veðri.

Á miðvikudag:

Hæg breytileg átt með stöku skúrum eða slydduéljum og fremur svölu í veðri.

Á fimmtudag:

Lítur út fyrir suðvestanátt með úrkomu á vestanverðu landinu, en þurru eystra. Enn heldur svalt í veðri.