Sveinn fer loksins til Þýskalands

Sveinn skrifaði undir eins og hálfs árs samning við Minden. Hann klárar því þetta tímabil með liðinu og verður svo með því allt frá byrjun þess næsta.

Minden er í sautjánda og næstneðsta sæti þýsku úrvalsdeildarinnar með sex stig, þremur stigum frá öruggu sæti.

Sveinn, sem er 23 ára, er uppalinn hjá Fjölni. Hann lék með ÍR tímabilið 2018-19 en hélt eftir það til SönderjyskE í Danmörku. Þar var hann í þrjú ár áður en hann samdi við Skjern í sumar. Sveinn átti að fara til Erlangen í Þýskalandi en þau félagaskipti duttu upp fyrir. En núna fær hann loks tækifæri til að spreyta sig í Þýskalandi.

Í vetur hefur Sveinn leikið níu leiki með Skjern í dönsku úrvalsdeildinni og skorað sex mörk.

Sveinn hefur leikið tíu landsleiki fyrir Íslands hönd og lék á EM 2020.