Samningi Lovísu í Noregi rift

Það var Handbolti.is sem greindi fyrst frá. Hin 23 ára gamla Lovísa gekk í raðir Ringkøbing í Danmörku um mitt síðasta ár en lét hálft ár duga þar og sneri aftur á Hlíðarenda þar sem hún hefur verið samningsbundin síðan 2018.

Þann 12. desember var svo greint frá því að Lovísa væri gengin í raðir norska efstu deildarfélagsins Tertnes á láni út tímabilið. Þar sem Lovísa er að glíma við meiðsli og óvíst er hvenær hún snýr til baka þá ákvað Tertnes að rifta lánssamningnum.

Ekki er komið í ljós hvort Lovísa mun snúa aftur í raðir Vals þegar hún jafnar sig af meiðslunum.

Valur er í 1. sæti Olís deildar kvenna með 24 stig að loknum 14 leikjum. Tertnes er í 11. sæti norsku deildarinnar með aðeins sex stig eftir 14 leiki.

Fréttin hefur verið uppfærð.