Marsch rekinn frá Leeds

Marsch stýrði Leeds í síðasta sinn þegar liðið tapaði fyrir Nottingham Forest, 1-0, í gær. Leeds er í 17. sæti ensku úrvalsdeildarinnar með átján stig, jafn mörg stig og Everton sem er í 18. sæti en hagstæðari markatölu.

Marsch var ráðinn stjóri Leeds 28. febrúar í fyrra og skrifaði þá undir þriggja ára samning við félagið. Honum tókst að halda Leeds uppi á síðasta tímabili en liðið endaði í 17. sæti.

Bandaríkjamaðurinn stýrði Leeds í 37 leikjum; ellefu þeirra unnust, sextán töpuðust og tíu enduðu með jafntefli.