Innlent

Eldur í gámahúsum á Örfirisey

Hólmfríður Gísladóttir, Tryggvi Páll Tryggvason og Atli Ísleifsson skrifa
Frá vettvangi í morgun. Tilkynning kom inn á borð slökkviliðs um klukkan átta í morgun.
Frá vettvangi í morgun. Tilkynning kom inn á borð slökkviliðs um klukkan átta í morgun. Vísir/Arnar

Slökkvilið höfuðborgarsvæðisins var kallað út vegna elds í gámahúsi á Örfirisey í Reykjavík um klukkan átta í morgun. Tvær stöðvar voru sendar á staðinn og þrír sjúkrabílar, samkvæmt upplýsingum fréttastofu.

Búið er að slökkva eldinn samkvæmt upplýsingum frá varðstjóra hjá slökkviliðinu sem fréttastofa náði í. Um talsverðan eld hafi verið að ræða í einu smáhýsi fyrir heimilislausa.

Ásmundur Rúnar Gylfason, stöðvarstjóri hjá lögreglunni á höfuðborgarsvæðinu, staðfestir í samtali við fréttastofu að húsið hafi verið mannlaust þegar eldurinn kom upp. Lögregla og slökkvilið er þó enn að störfum á vettvangi.

Frá vettvangi.Vísir/Arnar

Ertu með myndir af vettvangi? Endilega sendu okkur á ritstjorn@visir.is.

Fréttin var síðast uppfærð klukkan 9:00.

Slökkvilið Reykjavík

Mest lesið


Fleiri fréttir

Sjá meira


×

Mest lesið