Tillaga um lokun Borgarskjalasafns samþykkt

Nokkuð heitar umræður sköpuðust á fundi borgarstjórnar í dag. 

Marta Guðjónsdóttir, borgarfulltrúi Sjálfstæðisflokks lagði til að tillagan um lokun Borgarskjalasafns yrði vísað frá á þeim grunni að tillagan sé vanreifuð og byggð á aðkomu ríkisins án þess að búið sé að ganga frá samkomulagi um málið við ríkið. Sú tillaga var felld líkt og breytingartillaga minnihlutans. 

Ákvörðun borgarstjórnar um að loka borgarskjalasafni er ansi umdeild og hefur Svanhildur Bogadóttir borgarskjalavörður gagnrýnt hana harðlega. Einar Þorsteinsson, formaður borgarráðs hefur hins vegar sakað borgarskjalavörð um að hafa farið ítrekað með fleipur í fjölmiðlum.