Ungstirni Liverpool ekki meira með á leiktíðinni

Hinn átján ára gamli Bajcetic er úr leik vegna meiðsla í læri.

Bajcetic hefur verið einn af fáum ljósum punktum á þessu tímabili hjá Liverpool en hann hefur leikið nítján leiki með aðalliðinu. Bajcetic kom með kraft inn á miðju liðsins sem hefur verið döpur lengst af leiktíðinni.

„Það er mjög leiðinlegt að þurfa að kveðja tímabilið svona,“ sagði Stefan Bajcetic.

„Ég skil að þetta er hluti af fótboltanum og mun bara gera mig sterkari, bæði líkamlega og andlega,“ sagði Bajcetic.