Solsidan-stjarnan Rebecka Teper er látin

Aftonbladet greinir frá þessu og hefur eftir fjölskyldu Teper. Þar segir að hún hafi glímt við veikindi að undanförnu og hefur fjölskyldan óskað eftir að fá að syrgja í friði.

Á ferli sínum birtist Teper í fjölda kvikmynda og sjónvarpsþátta, meðal annars Rederiet, Bonusfamiljen og Beck.

Frægust er hún þó líklega fyrir hlutverk sitt sem „Lussan“, bestu vinkonu og viðskiptafélaga Mickan. Solsidan er ein vinsælasta sjónvarpsþáttaröð sögunnar í Svíþjóð og hefur meðal annars verið sýnd hér á landi. Þættirnir hófu göngu sína árið 2010.

Teper var í sambandi með rithöfundinum og tónlistarmanninum Carl-Johan Vallgren.