Jói Berg og félagar deildarmeistarar í ensku B-deildinni

Burnley hafði nú þegar tryggt sér sæti í ensku úrvalsdeildinni á næsta tímabili og ljóst var að liðið myndi tryggja sér sigur í deildinni með sigri í kvöld.

Jóhann Berg var í byrjunarliði Burnley, en var tekinn af velli eftir tæplega klukkutíma leik.

Það var að lokum Manuel Benson sem tryggði Burnley sigurinn þegar hann skoraði eina mark leiksins á 66. mínútu eftir stoðsendingu frá Jack Cork sem hafði komið inn á sem varamaður á sama tíma og Benson.

Niðurstaðan því 1-0 útisigur Burnley og deildarmeistaratitillinn í höfn. Jóhann Berg og félagar mæta því í ensku úrvalsdeildina næsta haust sem sigurvegarar B-deildar.