Lífið

John Stamos lét reka Olsen-tvíburana því þær grétu svo mikið

Bjarki Sigurðsson skrifar
John Stamos hefur leikið í fjölda sjónvarpsþátta, þar á meðal ER, Full House og Grandfathered.
John Stamos hefur leikið í fjölda sjónvarpsþátta, þar á meðal ER, Full House og Grandfathered. Getty/Corey Nickols

Leikarinn John Stamos segist hafa látið reka Ashley og Mary-Kate Olsen úr þáttunum Full House þegar þær voru ellefu mánaða gamlar því þær hafi grátið svo mikið. Þær voru þó ráðnar aftur nokkrum dögum síðar þar sem staðgenglar þeirra grétu enn meira. 

Stamos sagði frá þessu í hlaðvarpinu Good Guys á dögunum. Hann fór með hlutverk Jesse Katsopolis allar átta þáttaraðirnar af Full House og skiptust tvíburasysturnar á því að fara með hlutverk Michelle Tanner. 

„Þær voru ellefu mánaða gamlar, guð blessi þær. Það var reynt að skipta á milli þeirra. Ég gat ekki gert þetta. Ég sagði að þetta myndi ekki ganga og öskraði það tíu sinnum. Ég sagði þeim að koma þeim í burtu, ég gæti ekki unnið svona,“ sagði Stamos.

Í stað Olsen-tvíburanna komu aðrir tvíburar. Stamos fannst þeir þó enn verri og óskaði eftir því að Ashley og Mary-Kate kæmu til baka. 

Bíó og sjónvarp Hollywood


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.