Fjögurra mínútna þrenna er Haukar völtuðu yfir KH

Það var hins vegar Ragnheiður Þórunn Jónsdóttir sem stal senunni í leik Hauka og KH er hún skoraði þrennu á aðeins fjögurra mínútna kafla fyrir Haukaliðið.

Ragnheiður kom Haukum í 1-0 forystu á 35. mínútu og á þeirri 39. hafði hún bætt tveimur mörkum við til viðbótar og fullkomnað þrennuna.

Valgerður Gríma Sigurjónsdóttir minnkaði þó muninn fyrir gestina eftir að Ana Catarina hafði skorað fjórða mark Hauka stuttu fyrir hálfleik. Viktoría Jóhannsdóttir skoraði svo eina mark síðari hálfleiksins þegar hún gulltryggði 5-1 sigur Hauka.

Þrenna Ragnheiðar var þó ekki eina þrenna kvöldsins því þær Birgitta Hallgrímsdóttir og Guðrún Karítas Sigurðardóttir skoruðu báðar þrennu fyrir sín lið.

Birgitta skoraði þrjú í 4-2 útisigri gegn ÍA og Guðrún gerði slíkt hið sama í 4-2 útisigri gegn ÍH.

Þá vann Fram 3-1 sigur gegn HK, en úrslit úr leik FHL og Einherja hafa ekki enn borist inn á heimasíðu KSÍ.