Bein út­sending: Sjá fram á aukna eftir­spurn og fyrir­sjáan­leg vanda­mál

„Í skýrslunni er lagt mat á stöðu rannsókna og gagna um auðlindina og hvernig þróun nýtingar hefur verið,“ segir í tilkynningu um skýrsluna. Í henni komi meðal annars fram að um tveir þriðju hitaveitna sem úttektin náði til sjái fram á aukna eftirspurn og fyrirsjáanleg vandamál við að mæta henni.

Þá séu hindranir sem kunni að vera við frekari jarðhitaleit eða nýtingu útlistaðar í skýrslunni. Einnig hvaða tækifæri eru til sjálfbærrar nýtingar jarðhita til framtíðar.

Fulltrúar Íslenskra orkurannsókna og Guðlaugur Þór Þórðarson, umhverfis-, orku- og loftslagsráðherra, verða viðstaddir kynninguna sem hægt er að fylgjast með í beinni útsendingu í spilaranum hér fyrir neðan.