Gló­dís spilaði allan leikinn í sigri Bayern

Fyrir leik dagsins sat Bayern í efsta sæti þýsku deildarinnar. Gló­dís Perla var á sínum stað í hjarta varnarinnar hjá liðinu en Karó­lína Lea Vil­hjálms­dóttir sat á vara­manna­bekknum og kom ekkert við sögu í dag.

Bayern komst tveimur mörkum yfir í fyrri hálf­leik eftir að Lea Schuller og Lina Magull komu boltanum tví­vegis í netið á fimm mínútna kafla.

Natasha Kowalski náði að klóra í bakkann fyrir heima­konur í SGS Es­sen en nær komst liðið ekki.

Sigurinn gerir það að verkum að Bayern situr á toppi þýsk úr­vals­deildarinnar með 52 stig, fjórum stigum meira en Wolfs­burg sem á leik til góða og getur minnkað bilið niður í eitt stig með sigri gegn Köln á morgun.