Ingólfur og Lijing til Ís­lands­hótela

Í tilkynningu segir að Ingólfur hafi áður gegnt stöðu framkvæmdastjóra Berjaya Iceland Hotels, hótelstjóra Hilton Reykjavík Nordica við Suðurlandsbraut og um árabil starfað hjá Icelandair Hotels.

„Ingólfur kemur til liðs við Íslandshótel með mikla reynslu úr hótelgeiranum og sem framkvæmdastjóri fasteigna mun hann taka þátt í framtíðaruppbyggingu félagsins samhliða rekstri fasteigna dótturfélaga Íslandshótela.

Þá hefur Lijing Zhou verið ráðinn sem sérfræðingur í sjálfbærni hjá Íslandshótelum. Lijing kemur inn á aðalskrifstofu Íslandshótela með mikla reynslu og menntun í sjálfbærni og umhverfisvísindum, en hún hefur stundað nám og starfað í Svíþjóð, Bandaríkjunum, Kína og nú síðast á Íslandi. Lijing hefur tvær meistaragráður, aðra í umhverfis- og auðlindafræði frá Háskóla Íslands og hina í alþjóðlegri þróun og stjórnun frá Háskólanum í Lundi í Svíþjóð. Hún hefur fjölþætta starfsreynslu að baki, m.a. við International Fund for Agricultural Development (IFAD) hjá Sameinuðu þjóðunum.

Lijing mun í starfi sínu bera ábyrgð á þróun og innleiðingu sjálfbærni þvert á öll svið Íslandshótela með áherslu á að draga úr umhverfisáhrifum, stuðla að sjálfbærum starfsháttum og bæta heildarframmistöðu fyrirtækisins á þessu sviði,“ segir í tilkynningunni.