Ó­venju kröpp og djúp lægð og gular við­varanir

Frá þessu segir á síðu Veðurstofunnar. Þar kemur fram að það verði yfirleitt hægari vindur og úrkomulaust fyrir austan. Fremur hlýtt í veðri í dag, einkum austantil, en kólnar síðan heldur. Má reikna með átta til átján stigum í dag.

„Gular veðurviðvaranir vegna hvassviðris og snarpra vindhviða eru í gildi fyrir norðvestanvert landið. Ferðamenn eru því hvatttir til að aka varlega þar um, einkum ef ekið er með aftanívagna.

Ekkert lát virðist á vætutíðinni fyrir sunnan og vestan næstu daga, en ætti þó að haldast þurrt lengst af norðaustanlands.“

Veðurhorfur á landinu næstu daga

Á laugardag: Suðvestan 13-18 m/s og skúrir eða dálítil rigning, en hægara og bjartviðri norðaustanlands. Hiti 5 til 14 stig, mildast á Austurlandi.

Á sunnudag: Suðlæg átt, 13-18 m/s og talsverð rigning, en úkomuminna á Norður- og Austurlandi. Hiti 6 til 13 stig, hlýjast norðaustantil.

Á mánudag: Suðvestlæg átt og rigning með köflum. Hiti 5 til 11 stig.

Á þriðjudag: Gengur í stífa suðvestanátt með rigningu, en úrkomulítið norðaustanlands. Fremur milt veður.

Á miðvikudag: Líklega ákveðnar vestanáttir með skúrum eða jafnvel slydduéljum, en þurrviðri austantil. Kólnandi veður.

Á fimmtudag: Útlit fyrir suðvestanátt með smá skúrum og hlýnandi veðri.