Ráðin nýir fram­kvæmda­stjórar hjá Kynnis­ferðum

Í tilkynningu segir að Hilmar hafi verið ráðin framkvæmdastjóri ferðasviðs, Þóra framkvæmdastjóri fjármála og fasteigna og Ófeigur framkvæmdastjóri Bílaleigu Kynnisferða (Enterprise rent-a-car).

„Hilmar hefur mikla reynslu af ferðaþjónustu og starfaði sem framkvæmdastjóri hvalaskoðunarfyrirtækisins Special Tours frá 2015 til 2022. Áður átti hann Hvalalíf sem sameinaðist inn í Special Tours árið 2012. Sem framkvæmdastjóri ferðasviðs mun Hilmar bera ábyrgð á afkomu, vöruframboði og þjónustu Reykjavik Excursions, Flybus og Hálendisrútunnar. Hilmar er viðskiptafræðingur að mennt.

Þóra kemur til Kynnisferða frá flugfélaginu PLAY þar sem hún byggði upp öflugt fjármálasvið félagsins og leiddi m.a. skráningu félagsins á Nasdaq First North Iceland. Áður var hún hjá Icelandair og sem fjármálastjóri Air Iceland Connect frá 2017. Þóra mun leiða fjármálasvið samstæðu Kynnisferða með áherslu á samþættingu fjármála í kjölfar samruna félagsins við önnur ferðaþjónustufyrirtæki á síðustu misserum. Þóra er með mastersgráðu í markaðsmálum og MBA.

Ófeigur hefur langa reynslu af rekstri bílaleiga. Hann starfaði í 8 ár hjá AVIS og einnig hefur hann starfað sjálfstætt við sölu- og þjónustuþjálfun. Til Kynnisferða kemur Ófeigur frá Bílaleigu Reykjavíkur þar sem hann starfaði sem rekstrarstjóri. Hann mun leiða rekstur Bílaleigu Kynnisferða sem er umboðsaðili Enterprise, Alamo og National vörumerkjanna, og verður félagið með tæpa 1.000 bíla í rekstri í sumar. Ófeigur er stjórnmálafræðingur að mennt,“ segir í tilkynningunni.