Sögu­legar breytingar á treyju Man United

The Athletic greinir frá því að Adidas og Man United hafi í sameiningu ákveðið að breyta merki félagsins á því sem verður þriðji búningur félagsins á næstu leiktíð.

Merkið sjálft mun víkja en rauði djöfullinn sjálfur verður eftir. Mun hann vera stærri en á öðrum búningum félagsins.

Fara þarf aftur til ársins 1998 til að finna breytingu sem þessa á merki félagsins. Þá voru orðin „Football club“ tekin út en síðan þá hefur staðið „Manchester United“ á merki félagsins.

Adidas gerði svipaða hluti með treyju Arsenal á nýafstaðinni leiktíð þar sem merkið á útivallartreyju félagsins var tekið út og aðeins fallbyssan stóð eftir.