„Próf­raun fyrir okkur og við stóðumst hana ekki“

Tvö mörk frá Ilkay Gundogan, miðju­manni Manchester City, sáu til þess að liðið heldur heim með enska bikar­meistara­titilinn og getur með sigri á Inter Milan í úr­slita­leik Meistara­deildar Evrópu í næstu viku, unnið þrennuna.

Loka­tölur á Wembl­ey í dag urðu 2-1 Manchester City í vil. Bruno Fernandes skoraði mark Manchester United í leiknum.

„Við erum niður­brotnir og von­sviknir, að sjálf­sögðu, en ég er stoltur af mínu liði,“ sagði Erik ten Hag í við­tali við BBC eftir tapið gegn Manchester City í úr­slita­leiknum.

„Við gerðum vel en fengum hins vegar á okkur tvö mjög auð­veld mörk, en vorum með í leiknum. Þegar að þú spilar gegn Manchester City og færð ekki á þig mark úr opnum leik, þá er það stórt hrós á þitt lið en þegar að þú færð á þig svona mörk eins og í dag þá eru það mikil von­brigði.“

Hann segir sína leik­menn hafa sýnt þraut­seigju og karakter.

„Við vitum að fyrir okkur er löng leið fram­undan en þessi reynsla mun bara gera okkur betri. Þetta var próf­raun fyrir okkur, við stóðumst hana ekki en getum tekið marga já­kvæða punkta frá þessum leik inn í næsta tíma­bil.“