Fótbolti

Guðrún spilaði í stórsigri Rosengard

Aron Guðmundsson skrifar
Guðrún Arnardóttir leikur með FC Rosengård í Svíþjóð.
Guðrún Arnardóttir leikur með FC Rosengård í Svíþjóð. Vísir/Getty

Guðrún Arnardóttir, leikmaður Rosengard og íslenska landsliðsins í knattspyrnu, spilaði í stórsigri sænska liðsins á Växjö í dag

Leikur dagsins endaði með sex marka sigri Rosengard, 7-1, en Guðrún spilaði allan leikinn í hjarta varnarinnar.

Fjögur af sjö mörkum Rosengard komu í fyrri hálfleik og heimakonur bættu síðan við þremur mörkum í seinni hálfleik á móti einu marki gestanna og innsigluðu um leið sex marka sigur sinn.

Olivia Holdt fór mikinn í liði Rosengard í leiknum og skoraði þrennu. 

Rosengard er sem stendur í 5. sæti sænsku deildarinnar með 21 stig eftir 11 umferðir.  

Sænski boltinn

Mest lesið


Fleiri fréttir

Sjá meira


×

Mest lesið