Ísak í­hugar stöðu sína: „Ó­sáttur með það hvernig komið er fram við mig“

„Ég er náttúru­lega bara ó­sáttur með það hvernig er komið fram við mig eftir góða frammi­stöðu, til dæmis á móti AGF þar sem ég er góður á miðjunni og legg upp sigur­markið,“ segir Ísak Berg­mann í við­tali við Stöð 2 á Laugar­dals­velli fyrir æfingu ís­lenska lands­liðsins fyrr í dag.

„Eftir þann leik er mér bara fleygt aftur á bekkinn. Það hefur svo­lítið verið staðan hjá mér. Ég fæ aldrei nokkra leiki í röð í liðinu þó svo að ég standi mig mjög vel inn á vellinum.“

Hann muni því þurfa að skoða sína stöðu með um­boðs­manni sínum en Ísak Berg­mann hefur verið á mála hjá FC Kaup­manna­höfn síðan í ágúst árið 2021.

„Ég þarf að spila, þetta sýnir mér bara það að sama hvað ég geri þá er mér alltaf fleygt aftur á bekkinn. Þetta er bara eitt­hvað sem ég þarf að skoða með um­boðs­manni mínum.“

Ítarlegra viðtal við Ísak Bergmann verður að finna í Sportpakkanum í fréttum Stöðvar 2 í kvöld.