Taylor Swift skellti skolla­eyrum við boði Meg­han Mark­le

Hlað­varpsserían varð í stutta stund sú vin­sælasta á Spoti­fy tón­listar­veitunni en þar fékk Meg­han til sín fjölda þekktra gesta. Var þema þáttanna stereó­týpur sem konur þurfa að kljást við í dag­legu lífi og var tennis­konan Serena Willi­ams meðal fyrstu gesta.

Eins og fram hefur komið á­kváðu Spoti­fy og her­toga­hjónin þau Harry og Meg­han að slíta samningum sín á milli um fram­leiðslu á hlað­varps­þáttunum. Samningurinn var gerður síðla árs 2020 og var hann á sínum tíma metinn 25 milljónir Banda­ríkja­dala, eða því sem nemur rúmum 3,5 milljörðum ís­lenskra króna.

Í um­fjöllun The Sun kemur fram að Meg­han hafi ólm viljað fá banda­rísku söng­konuna sem gest í þáttinn. Söng­konan hafi hins vegar ekki haft á­huga á því. Ekki er ljóst hvers vegna svo er en breska götu­blaðið tekur fram að her­toga­ynjan hafi sent söng­konunni bréf og óskað eftir við­veru hennar í þættinum.