Brady og Shayk rugla saman reitum

Samkvæmt Page Six keyrði Brady á hótel Shayk og sótti hana þar síðasta föstudag. Vitni segja þau hafa síðan farið saman á heimili Brady. Morguninn eftir hafi Brady svo skutlað Shayk aftur á hótelið en sótt hana þangað síðar um daginn.

Þetta er ekki í fyrsta skipti sem Brady er með ofurfyrirsætu þar sem hann var giftur Gisele Bündchen, kollega Shayk, í þrettán ár. Brady og Bündchen sóttu um skilnað í október á síðasta ári en þau eiga saman tvö börn, soninn Benjamin og dótturina Vivian Lake. Brady á svo annan son úr fyrra sambandi.

Shayk var áður í sambandi með leikaranum Bradley Cooper en þau hættu saman árið 2019 eftir fjögurra ára samband. Shayk og Cooper eiga saman dóttur og virðast vera í góðum samskiptum þar sem það sést oft til þeirra saman með henni.

Þá er Brady ekki fyrsta íþróttastjarnan sem Shayk er með en hún var í sambandi með Cristiano Ronaldo frá árinu 2009 til átsins 2015.