Fótbolti

Hólmbert Aron tryggði Holstein Kiel sigurinn í fyrstu umferð deildarinnar

Hjörvar Ólafsson skrifar
Hólmbert Aron Friðjónsson var á skotskónum í dag. 
Hólmbert Aron Friðjónsson var á skotskónum í dag.  Vísir/Getty

Hólmbert Aron Friðjónsson skoraði sigurmark Holstein Kiel þegar liðið hafði betur gegn Eintracht Braunschweig en liðin leiddu saman hesta sína í fyrstu um­ferð þýsku B-deildarinnar í fótbolta karla í dag. 

Hólm­bert Aron hóf leikinn á varamannabekk Holstein Kiel en hann kom síðan inn á sem varamaður þegra rúmur stundarfjóðungur var eftir af leiknum. 

Það var svo í uppbótartíma leiksins sem Hólmbert skoraði markið sem skildi liðin að. 

Síðasta keppnistímabil var meiðslum hrjáð hjá Hólmberti en hann lék sem lánsmaður hjá Lilleström í Noregi fyrri hluta leiktíðarinnar og skoraði tvö mörk í átta leikjum eftir hann kom til baka til Þýskalands um áramótin. 

Þýski boltinn

Mest lesið


Fleiri fréttir

Sjá meira


×

Mest lesið