Fótbolti

Patrik hélt hreinu þegar Viking lagði Brann

Siggeir Ævarsson skrifar
Patrik Sigurður Gunnarsson varði eina skotið sem rataði á mark hans í dag og hélt hreinu í 0-2 sigri Viking á Brann
Patrik Sigurður Gunnarsson varði eina skotið sem rataði á mark hans í dag og hélt hreinu í 0-2 sigri Viking á Brann Twitter@vikingfotball

Sex leikir fara fram í norsku úrvalsdeildinni í dag og er fimm þeirra lokið. Viking halda uppi pressu á topplið Bodø/Glimt en Viking vann góðan 0-2 útisigur á Brann en þetta var sjöundi sigur Viking í deildinni í röð.

Patrik Sigurður Gunnarsson var í marki Viking í dag og hélt hreinu en hafði lítið að gera í markinu dag þar sem Viking hafði mikla yfirburði í leiknum. Birkir Bjarnason lék nokkrar mínútur í lok leiks en náði ekki að setja mark sitt á leikinn.

Topplið Bodø/Glimt hóf leik núna klukkan þar sem þeir taka á móti Tromsø, en Hilmar Rafn Mikalesson byrjar á bekknum hjá gestunum. Bodø/Glimt eru með sjö stiga forskot á toppi deildarinnar og geta aukið það í tíu með sigri í leiknum á eftir.

Úrslit dagsins

Aalesund - Strømsgodset 1-0

Sarpsborg 08 - Haugesund 2-1

Lillestrøm - HamKam 3-1

Rosenborg - Odd 3-2

Brann - Viking 0-2

Fótbolti Norski boltinn

Mest lesið


Fleiri fréttir

Sjá meira


×

Mest lesið