Fótbolti

Miðaverð á leikina hækkað um átta hundruð prósent

Óskar Ófeigur Jónsson skrifar
Það vilja margir sjá Lionel Messi spila með Inter Miami.
Það vilja margir sjá Lionel Messi spila með Inter Miami. Getty/Logan Riely

Það var frekar lítið mál að kaupa miða á leiki Inter Miami fyrir stuttu en eftir að Lionel Messi klæddist Inter treyjunni þá eru þetta heitustu miðarnir í bandarísku deildinni.

Messi hefur skorað sjö mörk í fjórum fyrstu leikjum sínum þar af tvennu í öllum þremur byrjunarliðsleikjunum og tvö mörk beint úr aukaspyrnu á lokamínútum leikja.

Meðalmiðaverð á leiki Inter Miami áður en Messi kom voru 31 Bandaríkjadalur eða rétt rúmlega fjögur þúsund krónur.

Meðalmiðaverðið á leikina eftir komi Messi eru 252 Bandaríkjadalir eða 33 þúsund og fjögur hundruð krónum betur.

Þetta er átta hundruð prósent hækkun.

Fyrstu fjórir leikir Messi hafa verið í deildabikarnum milli liða í Bandaríkjunum og Mexíkó en mikil spenna er fyrir fyrsta leik argentínska snillingsins í MLS-deildinni sjálfri.

Bandaríski fótboltinn

Mest lesið


Fleiri fréttir

Sjá meira


×

Mest lesið