Úr­koma á stórum hluta landsins í dag

Frá þessu segir í hugleiðingum veðurfræðings á vef Veðurstofunnar. Þar kemur fram að útlit sé fyrir ákveðna norðvestanátt í dag, víða á bilinu átta til þrettán metra á sekúndu.

„Það má búast við rigningu norðanlands og síðar einnig á vestanverðu landinu. Þurrt sunnan- og austanlands fram á kvöld. Hiti frá 6 stigum við norðurströndina, upp í 16 stig á Suðurlandi.

Aðgerðalítið veður á morgun (þriðjudag), fremur hæg norðlæg eða breytileg átt. Skýjað á austanverðu landinu og smásúld eða þokuloft. Hiti þar á bilinu 8 til 13 stig. Sólríkt vestantil með hita að 18 stigum. Mjög svipað veður áfram í kortunum á hinn daginn (miðvikudag),“ segir á vef Veðurstofunnar.

Veðurhorfur á landinu næstu daga

Á þriðjudag og miðvikudag: Norðlæg átt 3-10 m/s. Skýjað norðaustan- og austanlands og smásúld eða þokuloft. Hiti 8 til 13 stig. Bjartviðri á Suður- og Vesturlandi með hita að 20 stigum.

Á fimmtudag: Hæg breytileg átt. Viða léttskýjað, en skýjað austanlands framan af degi. Hiti 10 til 20 stig, hlýjast inn til landsins.

Á föstudag: Gengur í suðvestan 5-13. Þykknar upp á vestanverðu landinu og fer að rigna þar um kvöldið. Léttskýjað austantil. Hiti 12 til 22 stig, hlýjast á Austurlandi.

Á laugardag: Ákveðin sunnan- og suðvestanátt með rigningu eða súld, en þurrt og hlýtt um landið norðaustanvert.

Á sunnudag: Vestlæg átt og dálítil væta, en bjartviðri suðaustan- og austanlands.