Jákvæðar fréttir berast af Arnóri

Arnór, sem gekk í raðir Blackburn Rovers á láni út tímabilið frá CSKA Moskvu fyrr í sumar, er byrjaður að æfa með bolta á nýjan leik. 

Þetta sést í myndbandi sem Blackburn Rovers deilir á samfélagsmiðlum núna í dag.

„Arnór er mættur aftur út á grasið og er það liður í endurhæfingu hans,“ segir í færslu Blackburn. 

Ljóst er að Íslendingurinn knái gæti því snúið aftur á völlinn innan nokkurra vikna og spilað sinn fyrsta leik fyrir Blackburn Rovers í ensku B-deildinni.