Tvær sóttu um for­stjóra­stöðuna hjá Geisla­vörnum

Í tilkynningu á vef heilbrigðisráðuneytisins segir að umsækjendur séu:

• Elísabet Dolinda Ólafsdóttir aðstoðarforstjóri
• Hildur Kristinsdóttir gæðastjóri

„Þriggja manna nefnd verður skipuð til að meta hæfni umsækjenda. Hún mun starfa í samræm við lög um réttindi og skyldur starfsmanna ríkisins og hefur til hliðsjónar reglur um ráðgefandi nefndir sem meta hæfni umsækjenda um embætti við Stjórnarráð Íslands.“

Heilbrigðisráðherra skipar í embættið til næstu fimm ára frá 1. desember næstkomandi,“ segir á vef ráðuneytisins. 

Nýr forstjóri mun taka við stöðunni af Sig­urði M. Magnús­syni sem læt­ur brátt af störf­um fyr­ir ald­urs sak­ir.

Geislavarnir ríkisins hefur það hlutverk að annast öryggisráðstafanir gegn geislun frá geislavirkum efnum og geislatækjum. Forstjóri ber ábyrgð á að Geislavarnir ríkisins starfi í samræmi við lög, stjórnvaldsfyrirmæli og erindisbréf sem ráðherra setur honum. Forstjóri ber ábyrgð á starfsemi stofnunarinnar, að rekstrarútgjöld og rekstrarafkoma sé í samræmi við lög um opinber fjármál og að fjármunir séu nýttir á árangursríkan hátt.