Skýjað með köflum og sums staðar dá­litlar skúrir

Á vef Veðurstofunnar kemur fram að hiti verði á bilinu sjö til þrettán stig.

„Á morgun verður norðaustlæg átt 3-8 m/s og bjart að mestu en skýjað með rigningu um landið austan- og suðaustanvert. Hiti breytist lítið.

Á föstudag verður suðvestanátt, víða 5-10 m/s. Rigning með köflum vestantil, einkum síðdegis en bjart að mestu austanlands,“ segir í hugleiðingum veðurfræðings.

Veðurhorfur á landinu næstu daga

Á fimmtudag: Norðaustlæg eða breytileg átt 3-10 m/s. Rigning með köflum suðaustan- og austantil, en annars þurrt og allvíða bjart. Hiti 8 til 13 stig yfir daginn.

Á föstudag: Suðvestlæg eða breytileg átt 3-8. Skýjað með köflum og dálítil rigning um vestanvert landið en úrkomulítið austantil. Hiti 6 til 11 stig.

Á laugardag: Gengur í sunnan og suðaustan 10-18 með rigningu sunnan- og vestanlands, talsverð úrkoma síðdegis. Hægari vindur á norðaustanverðu landinu og þurrt að kalla fram undir kvöld. Hiti 9 til 14 stig.

Á sunnudag: Suðlæg átt og dálitlar skúrir, en léttskýjað norðaustanlands. Hiti 8 til 15 stig, hlýjast norðaustantil.

Á mánudag: Austlæg átt og víða rigning, en úrkomuminna á suðvestanverðu landinu. Hiti 6 til 11 stig.

Á þriðjudag: Útlit fyrir austlæga átt. Rigning í flestum landshlutum, talsverð úrkoma á Austfjörðum en þurrt að kalla suðvestantil. Hiti breytist lítið.