Sheffi­eld United í sárum eftir að leik­maður þeirra lést

Cusack hafði verið hjá Sheffield United frá árinu 2019 og varð á síðasta tímabili fyrsti leikmaðurinn til að leika hundrað leiki fyrir kvennalið félagsins frá upphafi. Þá sinnti hún einnig markaðsstörfum fyrir félagið.

Félagið greindi frá andláti Cusack á heimasíðu sinni í gær, en ekki kemur fram hver dánarorsök hennar var.

„Sheffield United er í molum vegna frétta um andlát Maddy Cusack,“ segir á heimasíðu félagsins.

„Þetta eru hræðilega fréttir fyrir alla á Bramall Lane. Maddy hafði þá sérstöðu að vera hluti af fjölda teyma innan Sheffield United og var vinsæl meðal allra sem hún hitti.“