Dagur og Aron berjast um sæti á Ólympíu­leikunum eftir stór­sigur Japans

Japanska liðið mun því leika til úrslita um laust sæti á Ólympíuleikunum, en mótherjar þeirra verða Aron Kristjánsson og lærisveinar hans frá Barein. Dagur Sigurðsson er þjálfari japanska liðsins og munu íslensku þjálfararnir því berjast um hið eftirsótta sæti á Ólympíuleikunum.

Japanska liðið hafði mikla yfirburði gegn Suður-Kóreu í kvöld og leiddi með sex mörkum í hálfleik, staðan 15-9. Japanir juku svo forskot sitt enn frekar í síðari hálfleik og unnu að lokum öruggan ellefu marka sigur, 34-23.