Jón Hall­dór fór í saumana á rifrildi Pavels og Arnars

Stjarnan vann góðan sigur á Tindastóli þegar liðin mættust á Sauðárkróki í Subway-deild karla í körfuknattleik á fimmtudag. Leikurinn var framlengdur og mikill hasar í Síkinu þegar úrslitin réðust.

Eftir leik mátti sjá orðaskipti á milli þjálfaranna Pavel Ermolinskij og Arnars Guðjónssonar. Virtust þeir rífast í skamma stund en skildu sáttir að lokum.

Í þættinum Subway Körfuboltakvöld fóru þeir Stefán Árni Pálsson, Magnús Gunnarsson og Helgi Már Magnússon yfir málið og sýndu myndbrot úr Subway tilþrifunum frá því kvöldinu áður þar sem Jón Halldór Eðvaldsson fór yfir málið.

Óhætt er að segja að greining Jonna sé áhugaverð en sjón er sögu ríkari. Myndbandið má sjá í spilaranum hér fyrir neðan.