Gló­dís Perla á­fram á toppnum í Þýska­landi

Wolfsburg vann öruggan 4-0 sigur á Freiburg fyrr í dag og hafði stokkið upp í 1. sætið áður en Bayern tók á móti Duisburg. Sveindís Jane Jónsdóttir er enn að glíma við meiðsli og var ekki með Wolfsburg í dag.

Það tók Þýskalandsmeistara Bayern ekki langan tíma að taka forystuna í dag en Jovana Damnjanović skoraði strax á 8. mínútu eftir sendingu Katharina Naschenweng. Var það eina mark fyrri hálfleiks en á endanum gerði enska landsliðskonan Georgia Stanway út um leikinn með marki úr vítaspyrnu á 72. mínútu, lokatölur 2-0 og Bayern mætt aftur á topp deildarinnar.

Eftir sjö umferðir er Bayern taplaust með 17 stig á toppnum en Wolfsburg aðeins stigi á eftir. Karólína Lea Vilhjálmsdóttir og lið hennar Bayer Leverkusen er í 3. sæti með 12 stig.