Fótbolti

Diljá Ýr skoraði tvö í stór­sigri

Runólfur Trausti Þórhallsson skrifar
Diljá Ýr er að gera það gott í Belgíu.
Diljá Ýr er að gera það gott í Belgíu. OH Leuven

Landsliðskonan Diljá Ýr Zomers skoraði tvívegis í 4-0 útisigri OH Leuven á Femina Woluwe í efstu deild belgísku knattspyrnunnar í kvöld.

Diljá Ýr kom inn í leik kvöldsins með sjálfstraustið í botni eftir að skora sigurmark Íslands í 2-1 sigri á Wales í Þjóðadeild UEFA á dögunum og vera svo í byrjunarliðinu þegar Ísland lagði Danmörku nokkrum dögum síðar.

Landsliðskonan kom Leuven yfir undir lok fyrri hálfleiks og gulltryggði svo sigurinn með öðru marki sínu og þriðja marki Leuven á 87. mínútu. Lokatölur 4-0 þar sem Diljá Ýr skoraði tvö og hin hollenska Nikee Van Dijk gerði hin tvö mörk liðsins.

Leuven er sem fyrr á toppi deildarinnar, nú með 28 stig að loknum 11 leikjum.

Fótbolti Belgíski boltinn

Mest lesið


Fleiri fréttir

Sjá meira


×

Mest lesið