Kveður Eyjar vegna fjöl­skyldu­að­stæðna

Þetta kemur fram í tilkynningu frá ÍBV þar sem segir að handknattleiksdeild félagsins hafi orðið við beiðni Dánjals um að kveðja félagið vegna fjölskylduaðstæðna.

Dánjal er á sinni þriðju leiktíð sem leikmaður ÍBV og átti sinn þátt í því að liðið varð Íslandsmeistari á síðustu leiktíð. 

Í tilkynningu Eyjamanna segir að Dánjal hafi komið einstaklega vel inn í Eyjasamfélagið og er honum og fjölskyldu hans óskað alls hins besta.

Í vetur hefur Dánjal skorað fjórtán mörk í tólf leikjum fyrir ÍBV sem er í 3. sæti Olís-deildarinnar.