Fótbolti

Kyle Walker réðst á Felipe Melo eftir leik

Ágúst Orri Arnarson skrifar
Gripið til hnefalögmála að leik loknum.
Gripið til hnefalögmála að leik loknum. Robbie Jay Barratt - AMA/Getty Images

Kyle Walker réðst að Felipe Melo eftir úrslitaleik Manchester City gegn Fluminense á heimsmeistaramóti félagsliða. Skilja þurfti leikmennina að, Walker bað svo Melo afsökunar eftir á. 

Manchester City varð heimsmeistari félagsliða með auðveldum 4-0 sigri gegn Fluminense í úrslitaleiknum. Töf varð á fagnaðarlátum City manna eftir leik vegna reiði Kyle Walker í garð Felipe Melo. 

Leikmennirnir höfðu tekist hart á allan leikinn og Walker virtist alveg kominn með nóg af brasilíumanninum þegar flautað var af. 

Leikmenn og þjálfarar beggja liða hlupu til og skildu þá félaga í sundur. Walker iðraðist gjörða sinna og bað Melo fljótt afsökunar. Walker fór svo og tók við titlinum ásamt liðsfélögum sínum í Manchester City. Dómari leiksins skipti sér ekkert af málunum þó hann hafði sannarlega enn rétt til þess að veita mönnum spjöld. 

Fótbolti

Tengdar fréttir

Mest lesið


Fleiri fréttir

Sjá meira


×

Mest lesið