Lloris farinn til Hollywood

Þessi 37 ára gamli markvörður fer til Bandaríkjanna án greiðslu. Hann skrifaði undir samning út tímabilið 2024.

Lloris spilaði 447 leiki fyrir Tottenham á ellefu árum. Hann er í sjöunda sæti yfir flesta leiki spilaða fyrir Spurs.

„Spurs verður alltaf sérstakur staður fyrir mig og fjölskyldu mína. Það hefur verið mikill heiður að spila fyrir félagið og ekki síst að vera fyrirliði til lengri tíma,“ sagði Lloris.

Lloris hefur ekkert spilað fyrir Spurs síðan í apríl er hann missti sæti sitt í liðinu. Hann kvaddi stuðningsmenn Spurs í hálfleik á leik liðsins í dag.