Enn snjó­flóða­hætta og rýmingar enn í gildi

Frá þessu segir í tilkynningu frá lögreglustjóranum á Austurlandi. Þar kemur fram að nokkur úrkoma hafi verið í nótt og að gert sé ráð fyrir að hún haldi áfram eitthvað fram eftir degi.

„Rýmingar eru því enn í gildi. Eins og sakir standa er ekki gert ráð fyrir að rýmingum verði aflétt fyrr en síðar í dag í fyrsta lagi.

Rýmingarreitir eru nr 4 og 6,“ segir í tilkynningunni.

Ákveðið var að lýsa yfir óvissustigi vegna ofanflóðahættu á Austfjörðum í gær og hættustigi á Seyðisfirði.

Talsvert hafði snjóað í fjöllum í hvassri austanátt í landshlutanum en rignt á láglendi. Var vitað um nokkur smærri snjóflóð í Norðfirði og eitt úr Skágili ofan við Neskaupstað sem hafi stöðvast nokkuð ofan við skógrækt.