Eig­andi WWE sakaður um man­sal

Janel Grant segist einnig hafa orðið fyrir kynferðisofbeldi af hálfu starfsmanna fyrirtækisins.

WWE er stærsta glímufyrirtæki heims og samdi á dögunum við Netflix um að sýna vinsælustu mótaröðina sína, WWE Raw, á veitu þeirra. Þátturinn hefur notið mikilla vinsælda og hefur verið sýndur í sjónvarpi út um allan heim í 31 ár.

Neitar ásökununum

Janel sakar McMahon og annan hæstráðanda fyrirtæksisins, John Laurinaitis, um að hafa notað sig sem „kynferðislegt peð“ til að fá helstu glímukappa heims til að keppa á vegum WWE.

Talsmenn fyrirtækisins og McMahon þvertaka fyrir ásakanirnar og segja þær „fullar af lygum.“

Janel segist hafa verið þvinguð í kynferðislegt samband við McMahon í skiptum fyrir atvinnutækifæri. Hún hafi upplifað sig eins og milli steins og sleggju. Hún hafi einnig verið atvinnulaus á þeim tíma.

Hún sakar forstjórann einnig um að hafa þvingað hana til að segja stöðu sinni hjá fyrirtækinu upp í kjölfar þess að upp kom um samband þeirra. Einnig var hún látin skrifa undir trúnaðarsamning.