Innlent

Látinn eftir um­ferðar­slys á Reykja­nes­braut

Oddur Ævar Gunnarsson skrifar
Maðurinn hét Eiríkur Örn Jónsson. 
Maðurinn hét Eiríkur Örn Jónsson. 

Karlmaður er látinn eftir alvarlegt umferðarslys sem varð á Reykjanesbraut í Hafnarfirði, á móts við álverið í Straumsvík, þriðjudaginn 30. janúar.

Þetta kemur fram í tilkynningu frá lögreglunni. Tilkynning um slysið barst lögreglu kl. 18.58. Þar rákust saman fólksbíll og vöruflutningabíll, en þeim var ekið úr gagnstæðri átt. Maðurinn var annar ökumannanna.

Hinn látni hét Eiríkur Örn Jónsson og lætur hann eftir sig unnustu og fjögur börn. Lögreglan á höfuðborgarsvæðinu og rannsóknarnefnd samgönguslysa rannsaka tildrög slyssins.

Samgönguslys Hafnarfjörður

Mest lesið


Fleiri fréttir

Sjá meira


×

Mest lesið