Mörg vanda­mál hjá Mbappe en þjálfarinn er ekki eitt af þeim

Enrique hafði tekið Mbappe snemma af velli í síðustu leikjum þrátt fyrir að PSG hafi þurft á mörkum að halda.

Mbappe fékk að spila allar níutíu mínúturnar í gær þegar PSG tryggði sér sæti í átta liða úrslitum Meistaradeildarinnar í fyrsta sinn í þrjú ár. Mbappe skoraði bæði mörk liðsins í 2-1 sigri á Real Sociedad.

Fjölmiðlar hafa fjallað mikið um furðulegar leikmannaskiptingar Enrique í síðustu þremur deildarleikjum og ekki síst þegar Mbappe var tekinn af velli í hálfleik í leik helgarinnar.

„Ég vil alltaf spila í Meistaradeildinni því þetta er mjög mikilvæg keppni. Ég get aldrei verið sá leikmaður sem fer í felur,“ sagði Kylian Mbappe við Canal Plus eftir leikinn.

„Samband mitt og þjálfarans er gott. Þetta er engin vandamál milli okkar þótt að fólk haldi að svo sér. Það eru mörg vandamál en þjálfarinn er ekki eitt af þeim,“ sagði Mbappe.