Fótbolti

Diljá Ýr með fjögur mörk í stór­sigri Leu­ven

Siggeir Ævarsson skrifar
Diljá Ýr Zomers, leikmaður Leuven í Belgíu.
Diljá Ýr Zomers, leikmaður Leuven í Belgíu.

Diljá Ýr Zomers heldur áfram að raða inn mörkum fyrir lið sitt Leuven í belgísku úrvalsdeildinni en Diljá gerði sér lítið fyrir og skoraði fjögur mörk í dag.

Leuven tók á móti Genk og vann stórsigur 8-0. Diljá skoraði fyrsta mark leiksins og bætti svo við þremur til viðbótar áður en yfir lauk, þar af einu úr vítaspyrnu.

Diljá Ýr er markahæsti leikmaður deildinnar og er nú komin með 17 mörk í deildinni, þremur fleiri en næsta kona á lista sem er Amelie Delabre sem leikur með Anderlecht.

Gengi Leuven hefur verið afar gott þetta tímabilið en liðið er á toppi deildarinnar um þessar mundir.

Fótbolti Belgíski boltinn

Mest lesið


Fleiri fréttir

Sjá meira


×

Mest lesið