Ekki ljóst hvor hinna drukknu ók bílnum

Þetta kemur fram í tilkynningu frá lögreglunni á höfuðborgarsvæðinu þar sem segir frá verkefnum gærkvöldsins og næturinnar. Segir að rætt verði við mennina þegar þeir vakna og runnið hafi af þeim.

Annars segir að vaktin hafi verið fremur róleg en engu að síður hafi fimm verið vistaðir í fangaklefa.

Þá segir að erlendur maður hafi verið handtekinn og vistaður í fangaklefa þar sem hann hafi verið „víðáttuölvaður utandyra“. Hann hafi ekki getað tjáð sig vegna ástands síns og sé ekki ljóst hvort hann sé ferðamaður eða búsettur á landinu.

„Ökumaður stöðvaður í akstri grunaður um akstur undir áhrifum fíkniefna og lyfja. Kom einnig í ljós á síðari stigum að ökumaðurinn hafði gefið upp rangt nafn. Þegar réttu nafni var flétt upp í kerfum lögreglu kom í ljós að ökumaðurinn var einnig sviptur ökuréttindum,“ segir ennfremur í tilkynningunni.