Valur fyrsta lið inn í undan­úr­slit

Líkt og í fyrri leik liðanna var Valur skrefinu á undan í dag frá upphafsflauti. Þeir náðu fljótt upp góðri forystu og leiddu með fimm mörkum, 13-18, þegar gengið var til búningsherbergja. 

Þeir héldu svo uppteknum hætti þegar út í seinni hálfleik var komið og unnu að endingu tólf marka sigur, 24-36. 

Valur vann afar öruggan átján marka heimasigur í fyrsta leik, 41-23. 

Sigurinn í dag skýtur þeim því áfram í undanúrslit, þar eftir mun þurfa þrjá sigra til að vinna einvígi. 

Í undanúrslitunum mun Valur annað hvort mæta Aftureldingu eða Stjörnunni. Afturelding leiðir það einvígi 1-0 og annar leikur liðanna fer fram síðar í dag kl. 16:00.