Fótbolti

„Ég held það hræði ekki Ís­lendinga“

Valur Páll Eiríksson skrifar
Hareide var hress á De Kuip í gær.
Hareide var hress á De Kuip í gær. Vísir/Ívar

Landsliðsþjálfarinn Åge Hareide óttast ekki aðstæður á De Kuip í Rotterdam í kvöld. Spilað verður í alíslenskri, en þó hollenskri, haustlægð.

Valur Páll Eiríksson skrifar frá Rotterdam

Búast má við hellidembu og þónokkrum vindi í kvöld. Eftir sólríka síðustu tvo daga hittir svo á að það er í raun skítaverður í Rotterdam. Í samtali við Stöð 2 Sport eftir æfingu landsliðsins á vellinum í gær, sem fór fram í skínandi sól, sagðist Hareide ekki óttast.

Klippa: Hareide hress í Rotterdam

Tókstu með þér regnkápuna?

„Ég veit það á að rigna en ég held það hræði Íslendinginn ekki,“ sagði Hareide hlægjandi.

Hareide kveðst þá spenntur fyrir verkefninu og vonast eftir svipaðri frammistöðu og gegn Englandi á föstudagskvöldið. Leikurinn geti orðið keimlíkur þar sem Hollendingar sækist einnig eftir því að halda mikið í boltann.

Viðtalið við Hareide í heild má sjá í spilaranum.

Ísland og Holland mætast klukkan 18:45 í kvöld. Leikurinn verður í opinni dagskrá á Stöð 2 Sport.

Landslið karla í fótbolta

Tengdar fréttir

Daníel Leó ekki með á æfingu landsliðsins

Miðvörðurinn Daníel Leó Grétarsson var ekki með íslenska landsliðinu á æfingu á De Kuip vellinum í Rotterdam í dag. Hann varð fyrir hnjaski í sigrinum á Englandi.

Van Dijk og félagar mættu á hjóli á æfingu

Karlalandslið Hollands í fótbolta undirbýr sig yfir leik við Ísland í Rotterdam annað kvöld og æfði saman í morgun. Það var létt stemning yfir hollenska hópnum.

Mest lesið


Fleiri fréttir

Sjá meira


×

Mest lesið