Súldin í stutt sumar­frí

Í textaspá Veðurstofunnar kemur fram að á morgun sé spáð austlægriða breytilegri átt, 3-10 m/s, á morgun. Víða er spáð bjartviðri, en skýjað verði vestast á landinu fram eftir morgni. Á austurströndinni gæti þokubakka orðið vart. 

Búist er við 13 til 23 stiga hita. Hlýjast verði í innsveitum norðanlands, en svalara í þokulofti.

Blíðan virðist þó ekki ætla að staldra lengi fyrir sunnan og vestan en á þriðjudag virðist aftur ætla að þykkna upp víðast hvar.

Veðurhorfur á landinu næstu daga

Á þriðjudag:

Austlæg eða breytileg átt 3-10 m/s, skýjað með köflum og dálítil væta um kvöldið. Víða bjartviðri á Norður- og Austurlandi, en líkur á þokulofti við ströndina. Hiti 8 til 20 stig, hlýjast í innsveitum norðanlands.

Á miðvikudag:

Norðaustan 8-13 við norðurströndina, annars hægari. Súld eða dálítil rigning með köflum og hiti 8 til 17 stig, svalast austanlands.

Á fimmtudag:

Austan og norðaustan 5-13 m/s og dálítil væta en úrkomumeira sunnanlands síðdegis. Hiti 8 til 17 stig.

Á föstudag:

Austlæg eða breytileg átt og dálítil rigning eða skúrir, en úrkomulítið norðanlands. Hiti breytist lítið.

Á laugardag:

Norðaustanátt og skýjað. Lengst af þurrt í flestum landshlutum, en rigning austantil. Hiti 9 til 17 stig, hlýjast sunnanlands.