Enski boltinn

Liðsfélagi Hákonar á leið til United

Ingvi Þór Sæmundsson skrifar
Leny Yoro lék 32 leiki með Lille í frönsku úrvalsdeildinni á síðasta tímabili.
Leny Yoro lék 32 leiki með Lille í frönsku úrvalsdeildinni á síðasta tímabili. getty/Hollandse Hoogte

Manchester United hefur náð samkomulagi við Lille um kaup á varnarmanninum unga, Leny Yoro.

Talið er að United muni greiða rúmlega fimmtíu milljónir punda fyrir hinn átján ára Yoro. Real Madrid hafði einnig áhuga á stráknum en svo virðist sem United hafi haft betur í þeirri baráttu.

Yoro er nú á leið til Manchester þar sem hann mun gangast undir læknisskoðun hjá United.

Auk Yoros hefur United verið sterklega orðað við varnarmennina Jarrad Branthwaite hjá Everton og Matthijs de Ligt hjá Bayern München.

Þrátt fyrir ungan aldur hefur Yoro leikið sextíu leiki fyrir aðallið Lille. Þar leikur hann með íslenska landsliðsmanninum Hákoni Arnari Haraldssyni.

Enski boltinn Franski boltinn

Mest lesið


Fleiri fréttir

Sjá meira


×

Mest lesið